ხშირად სასარგებლოა, როდესაც სხვებმა იციან ჩვენი ნაკლოვანებების შესახებ და გვამხელენ კიდეც, რამეთუ ამით დიდ თავმდაბლობას ვიძენთ. როდესაც ადამიანი საკუთარი ნაკლოვანებების გამო თავს იმდაბლებს, მისთვის უფრო ადვილი ხდება მის გარშემომყოფთა დაშოშმინება და მათი დამშვიდება, რომელნიც მასზე არიან გაბრაზებულნი.
თავმდაბალ ადამიანს ღმერთი იცავს და იხსნის, შემოქმედს უყვარს მოწიწებლი ადამიანი და ნუგეშს ცემს მას. უფალი სახეს აბრუნებს მისკენ და დიდ მადლს ანიჭებს თავმდაბალს, რათა მისი დამცირების შემდეგ, განადიდოს იგი. ქრისტე თავმდაბალთ უცხადებს თავის საიდუმლოებებს და თავისკენ უხმობს და იზიდავს. ამგვარად, დამდაბლებული კაცი სიმშვიდით ტკბება მრავალი უსიამოვნებების შუაგულში, რამეთუ მას მაცხოვარზე აქვს დადებული იმედი და არა ქვეყნიერებაზე. ამიტომ, ნუ იფიქრებ, რომ წარმატებას მიახწიე მანამ, სანამ საკუთარ თავს ყველაზე მდაბლად არ მიიჩნევ!
გამოიწერეთ ბლოგი და სიახლეებთან ერთად მიიღეთ საჩუქრად მოსასმენი და წასაკითხი ელ-წიგნები